Rein natur

Foto: Gunnhild Daling Korsøen

Fakta om linja

  • Fridykking
  • Havkajakk og kano
  • Skog og fjell
  • Ski
  • Bærekraftig friluftsliv
  • Strandrydding
  • Villsau
  • Femundsmarka
  • Sri Lanka

Dette er linja for for deg som er glad i friluftsliv ved kysten, i skogen og i fjellet. Naturen i Sunnfjord kan måle seg med den finaste vi har i landet. Vi skal utforske den ytre Sunnfjordnaturen gjennom å padle havkajakk, fridykke, padle kano, gå fjellturar og skiturar, sove ute under stjernene, i snøhole og i telt og gapahuk. Vi gir også tilbake til naturen gjennom å drive eit bærekraftig friluftsliv og å plukke søppel for å gjere naturen reinare.

Her er ein smakebit på noko av det du har i vente

Filmane er laga av Birger Helle Fatland

Litt av det vi driv med på linja

Villsauveke i Sørværet naturreservat

Fridykking ved Gryta i Førdefjorden

Overnattingsturar

Kanopadling og fridykking

Turar med havkajakk

Fridykking ved Prata i Florø

Du vil neppe gå glipp av dette

 

Du får lære kajakkpadling og utforske den flotte Sunnfjordkysten .Du vil lære kanopadling på idyllisk fjellvatn, fiske og overnatte ute rundt leirbålet.

 

 

e16_d_fhs_kano-valgfag_dsc6696_red-min

Foto: Eivind Kise

Mesteparten av naturen på kloden er under vatn! Du får lære fridykking, og med lungene som einaste luftreserve får du oppleve det spanande livet under vatn. Maske, snorkel, våtdrakt og svømmeføtter. Ingen oksygenflasker, ingen kompliserte greier. Vi skal hauste av naturen, både gjennom sanking og undervannsjakt, og vi skal bruke det vi haustar i mat vi lagar.           

     

Foto: Gunnhild Daling Korsøen

Du får oppleve Lundefuglar på fuglefjellet på Runde på nært hald, og kanskje sel og andre sjødyr. Du får vandre på snaufjellet, i skogane, gå eigne skispor i urørt snø og oppleve vakre vinterfjell, sove under open himmel og i snøhole. Det er du sjølv som set grensene – og som flyttar dei.

Foto: Birger Helle Fatland

Dette er heilt vilt: Vi skal også lære å drive med villsauer slik det har vore gjort i mange tusen år. Kva med hundre lam som skal temmast eitt og eitt og lære dei at menneska er snille? Dersom du er vennleg, så vil dei merke det med ein gong. Dette foregår i den flottaste naturen du kan tenke deg på Værlandet i det opne havet.

Foto: Eivind Kise

Du vil også få vere med å på halde kystlandskapet slik det har vore sidan vikingtida. Sørværet Naturreservat er beitelandskapet for villsauene, og det skal haldast reint for granvokster og søppel m.m.

Spør elevane

Du er velkommen til å snakke med årets elevar. Her er Birgit Sæterbø, Du er velkommen til å snakke med Birgit dersom du har lyst til å ta kontakt. Det er av og til greiare enn å spørje ein lærar. Ho er på facebook, ho er på mobil, eller epost. Birgit er også presentert annan stad på heimesida.

Prisar på linjene

Vi anbefaler at du går inn på priskalkulatoren som du finn på kvar enkelt linje på Folkehøgskolene.  Der ligg alle valmuligheiter inne, og du får ein korrekt pris der alt er inkludert.

Prisen er ulik på linjene, og blir påverka av om ein er med på frivillig utanlandstur, oppgraderer rommet, er med på spesielle valfag m.m. Alt dette ligg inne i priskalkulatorenwww.folkehogskole.no

Du finn utfyllande informasjon på Pris-sida.

 

Studieturar til Femundsmarka og Sri Lanka

Foto: Tomas Svendsen

Foto: Thomas Svendsen

På hausten går ferda til spanande og mystiske Femundsmarka. Her vandrar inn i villmarka og opplever urørt urskog og idylliske leirplassar.  Les meir om Femundsmarka her.

På Sri Lanka tek dei vare på dei ville elfantane.

I februar dreg vi på tur til Sri Lanka, landet som alle har eit forhold til. Turen er ein kombinert linjetur og fellestur for alle elevane. Les meir om fellesturen til Sri Lanka her. Turen er frivillig!

Vi reiser til Sri Lanka for å hauste gode naturopplevingar, nye smakar, og møte ny kultur. Dette gjer vi når vi reiser rundt på Sri Lanka i klassen, og før vi er med på fellesopplegget saman med dei andre linjene.

Vi startar turen i byen Negombo og dreg vidare til frodige Sigiriya for klatre Sigiriya Lion Rock (UNESCO world heritage site). Vi skal besøke Temple of tooth relics og sjå Kandy, ein av dei vakraste byane på Sri Lanka.

Vi skal bestige Adams Peek og sjå soloppgangen frå toppen saman med pilegrimar. Ei heilt spesiell oppleving. Vidare dreg vi på dyresafari i Tissamaharama der vi vil komme tett på dei ville dyra.  

Vi får oppleve togreise i innlandet, der vi får eit nært møte med både natur og livet langs jernbana. Vi køyrer gjennom teplantasjar og vil få sjå 9 Arch bridge. Vi skal også gå opp på Ella Rock og nyte utsikta over dei frodige og grønne områda rundt.

Vi vil også besøke vår søster-folkehøgskule Kaman Folk High School på austkysten, der vi skal bli kjent med elevane og dei tilsette. Det blir besøk i fiskelandsbyen nært skulen, der vi får lære korleis dei driv fiske.

Kanskje får vi også oppleve blåkvalsafari, fridykking og surfing.

Ein studietur full av varierte naturopplevingar, spanande kultur og nye smakar.

OBS: Siste delen av turen er vi saman med alle dei andre linjene på skulen.

Sri Lanka-turen er frivillig.

Det gode livet – kva er det

Spørs om ikkje det er dette som er det gode livet? Å vere tett på naturen og kvarandre, og å vite et ein utgjer ein liten forskjell for å gjere naturen litt reinare, og gjere dette blant gode venner som deler dei same gledene.  Innanfor to timars reise frå skulen har vi alt frå høgfjell og isbre til elvar, vatn, skog og toppar til fjord, øyar og skjergard. Er ikkje det flott? Vi synes i alle fall det og er veldig stolte av Sunnfjordnaturen. Velkomen!

Foto: Eivind Kise

Nyttig informasjon

NUJ Fridykkarkurs (Norsk undervannsjeger)                                                                   Gjennom fridykkarkurs blir du sertifisert med NUJ Fridykkarsertifikat. Kurset går over fleire dagar og inneheld teori med prøvevog praktiske øvingar av dykketeknikk og utforsking av livet under vatn. PS: Vi driv rein rekreasjonsfridykking, ikkje APNEA som er ei meir ekstrem form for fridykking.

Våttkort grunnkurs for havkajakk og kano                                                                       Begge kursa er på 16 timar, fordelt på fleire dagar, og gir ei grundig innføring i padleteknikk, kameratredning og tryggleik i kano og havkajakk. Du får sertifikat.

Du kan måtte betale ekstra for slike kurs.

Foto: Birger Helle Fatland

Kva treng du av utstyr?

Du treng generelt friluftsutstyr: Kjøp brukt på finn.no eller lån utstyr frå familie og venner. Det er ein fin måte å spare pengar og miljøet på.

Fjellsekk (Herre 95-100L/Dame 75-85L) Vintersovepose. Liggeunderlag. Vanntette og stødige fjellsko. Regntett/vindtett turjakke og turbukse. Fjellski. Gamasjar. Vanntette pakkposar. Fotposar. Termos. Hovudlykt. Tjukk ullgenser. Hue, ullvottar med vindvott. Ullundertøy. Speglkompass og kartmappe. Sykkel. Fiskestong til bruk i sjø og ferskvatn (kombistong). Fotokamera (om du har).

 

Fakta om linja

  • Fridykking
  • Havkajakk og kano
  • Skog og fjell
  • Ski
  • Bærekraftig friluftsliv
  • Strandrydding
  • Villsau
  • Femundsmarka
  • Sri Lanka

Vi reiser til

Linjelærar

Birger Helle Fatland

Birger Helle Fatland

Birger brenn for å formidle gode naturopplevingar. Han er linjelærar på Rein natur. Birger er friluftslivsvegleiar, har mastergrad i Friluftsliv (Høgskolen Bø i Telemark), og har allmennlærarutdanning med fordjuping innan friluftsliv og musikk (Høgskulen i Bergen og Bø). Han har tidligare arbeida som lærar i grunnskulen og som timelærar i friluftsliv ved studie for Friluftsliv, natur- og kulturveiledning på Høgskulen i Bø. Han er særleg glad i solide tyribål, kanopadling, havkajakk, overnatting ute, fridykking, gitar og turar i skog og fjell.

+47 95 11 62 35

 

Nyheiter

Nyheiter fra årets linjer.

Det blir nytt treningsstudio på skulen!

Endeleg er treningsstudioet vi har ønskt oss lenge endeleg ein realitet. Det skal stå klart i løpet av kort tid etter at skulen har starta opp i august.

Les meir

Hildegunn Weum. Spør om Dans Idrett Brasil!

Dans Idrett Brasil er ei fantastisk linje med supre folk du har i hjartet kanskje livet ut. Neste stopp: Spagaten og Brasil!

Les meir

Daniel på Foto-linja. Ta kontakt for spørsmål!

Daniel Thauland er elev på fotolinja, og svarer gjerne dersom du har spørsmål.

Les meir

Til toppen