Sunnfjord Folkehøgskule » Fotball & backpacking

Medan vi ventar…

Øyvind Høstaker — Wed, 17 Mar 2010 13:45:07 +0000

Medan våren ser ut til å la vente på seg tar fotballinja rett og slett ein tur til KRIK Høyfjellssenter på Hemsedal nokre dagar. Ypperlige forhold i bakken og gode facilitetar på kveldstid resulterte i følgane SMS melding:

“For ein dag. Kjempemessige skibakker. KRIK Høgfjellsenter: topp service. God mat, fin plass å bu. Har nettopp avslutta eit utandørs boblebad. Livet er herlig:)”

London, Paris og Barcelona

Øyvind Høstaker — Wed, 17 Feb 2010 23:37:45 +0000

Det tok ikkje lange tida før interrailgjengen trivdes i London. Virka som forelsking ved første blikk er eit uttrykk ein kan bruke i ein slik samanheng. Stig har ikkje heilt innrømt det endå, men mykje tyder på at han synes London var minst like bra som Manchester.

Etter å ha vore på Fulham-Burnley så var det ein storkamp som venta oss dagen etter. Då tok vi turen til Emirates stadion og såg Arsenal-Liverpool. Stadion er heilt nytt, ilag med oss sat 60.000 som laga eit voldsomt leven. Arsenal vann 1-0 og det blei ein god dag sidan ingen av oss holdt med Liverpool. Etter denne kampen gjekk turen inn i ein litt ny fase. No skulle musikallivet i London utforskast. Den eine dagen såg vi The Lion King, men alle var einig om at musikalen vi såg dagen etter var best. We Will Rock You er ein musikal som består av musikk frå gruppa Queen og var eit fyrverkeri av ein musikal. Nakkehåra til John Sverre reiste seg fleire gonger ifølge han sjølv. Etter to dagar med musikal var det på tide å sjå ein fotballkamp igjen. John Sverre fekk draumen sin oppfylt og fekk sjå sitt kjære Chelsea på nært hald. Han fekk sitteplassar like bak trenarbenken til Chelsea og blir fortsatt vill i auga berre ein snakkar om det. Trur nesten det var like før han begynte varme opp ilag med spelarane på Chelsea.

Etter å hatt gode dagar i London tok vi etter kvart turen til Paris. Vi hadde berre ein og ein halv dag i Paris, difor rasa vi innom dei viktigaste turistattraksjonane i ekspressfart. Eiffeltårnet måtte vi sjølvsagt opp i. Dette var spennande for alle, spesielt for dei med høgdeskrekk. Louvre museet, Notre Dame katedralen, Champs Elysee og diverse flotte bygg fekk eit kort besøk av ein munter Sunnfjord folkehøgskulegjeng.

Vi har no komme oss til Barcelona. Det er ein god del varmare her enn i Paris, noko vi likar godt. Her skal vi innom Camp Nou og Sagrada Familia før vi setter oss på flyet heimover og gjer oss klar til vinterferie og OL på TV.

Mvh
Are Gunnar
Bilde 1: Buckingham Palace
Bilde 2: Big Ben
Bilde 3: Arsenal-Liverpool
Bilde 4: På toppen av Eiffeltårnet

Manchester og London

Øyvind Høstaker — Wed, 10 Feb 2010 11:05:54 +0000

Etter ein liten snartur innom Aberdeen havna vi til slutt i Manchester. Det var igrunn berre aa legge seg inn paa hotellet, staa opp neste dag og gjere seg klar til kamp. Spesielt Stig og Joachim, som dei Manchester United supporterane dei er, hadde store auger heile dagen. Old Trafford stadion tar ca 75000 tilskodarar og underholdningsverdien i aa sjaa paa folkemassane samtidig som ein ser kamp gjer at det blir ei artig oppleving.
Dei siste minutta kom det inn ein tidlegare Molde-spelar for United. Han motte vi paa Nordvestcup i Molde i haust. Litt spesielt aa plutselig sjaa Mame Biram Diouf springe ut paa bana omkransa av ei slik folkemasse.

Paa sondag hadde vi avtalt aa mote Christian Kalvenes som spelar for Burnley. Byen ligg ein liten times koyretur nord for Manchester. Burnley er ein klubb som er i motsatt kategori av Manchester United. I United er stjernefaktoren stor og anlegget er av beste klasse, medan i Burnley er forholda ganske saa annleis. Smaa garderobar med berre nokre faa dusjar, gammalt tribuneanlegg og generelt sett slitte forhold. Som Stig sa det: “Vi har det faktisk betre i Volda.” Men til tross for dette saa gaar det an aa spele i Premier league. Christian Kalvenes tok oss med rundt paa stadionomraadet og fortalde om klubben og mange artige historier fraa innsida av klubben. At han tok seg tid til aa mote oss tidlig ein sondags morgon satte vi stor pris paa. Trur ikkje det er mange av stjernene i Premier league som hadde gjort det samme. Av den grunn maatte vi gi han ei gave som takk for hjelpa. Og kva er meir naturlig aa gi han ein ekte Sunnfjord folkehogskule buff.

Mandag kom vi til London. Saa langt har vi sett Big Ben, Buckingham Palace, Tower of London, London eye, sett ein fotballkamp til(Fulham-Burnley), tatt undergrunnsbana veldig ofte og ete masse pizza.

Mvh
Are Gunnar

Bilde 1 og 2: Kamp mellom Manchester – Portsmouth
Bilde 3: Vi moette Christian Kalvenes som spelar for Premier league klubben Burnley. Han ga oss privat omvisning paa stadion. Som takk for den gode servicen fekk han ein Sunnfjord fhs buff.
Bilde 4: Omvisning av Christian Kalvenes paa Turf Moor stadion.
Bilde 5: Stig prover ut dusjen i Burnley sin garderobe og kan konstatere at det er like bra i Volda.

Europaturnè og storkampar

Are Gunnar Korsvoll — Mon, 18 Jan 2010 13:37:44 +0000

Etter to kalde veker i det nye året med innetrening går det opp for både lærar og elevar at Europaturen er like om hjørnet. Om 3 små veker set vi oss på flyet til Manchester der vi skal sjå eit av verdas største lag spele kamp på Old Trafford. Manchester United – Portsmouth blant 75.000 tilskodarar ser vi fram til å få oppleve. Andre kampar som står på programmet er bl.a. Arsenal – Liverpool i London på Emirates stadion, og Aston Villa – Manchester United. I London skal vi vere ei veke, derifrå går turen til Paris før vi avsluttar reisa i Barcelona og flyr heim att. Desverre har ikkje Barcelona heimekamp når vi er der, men det er mykje å finne på i denne byen av både fotballaktivitetar og vanlige turistgjeremål. Ein kan til dømes lese avisa og snakke om vèret slik vi gjer her i Norge.

Nordvestcup 2009 i Molde

Håpar å kunne oppdatere korleis turen er undervegs.